Napateg ken Jehova Dagiti Kararagtayo

Dagiti maawat a kararag ket kas kadagiti nabanglo nga insienso a regular a mapupuoran iti templo kas daton para ken Jehova. (Sal 141:2) No iyebkastayo iti nailangitan nga Amatayo ti ayat ken apresasiontayo kenkuana, no ibagatayo kenkuana dagiti pakaseknan ken tarigagaytayo, ken no dawatentayo ti panangiwanwanna, ipakpakitatayo nga ipatpategtayo ti pannakigayyemtayo kenkuana. Siempre, ibilang ni Jehova dagiti ababa a publiko a kararag kadagiti gimongtayo a napateg a paset ti panagdaydayawtayo. Ngem sigurado a maragsakan ni Jehova kadagiti personal a kararagtayo no ibagatayo kenkuana ti linaon ti pusotayo ken ipapauttayo ti makisarita kenkuana!​—Pr 15:8.

BUYAEN TI VIDEO A NAGPATEG KANIAK TI KARARAG, SA SUNGBATAN DAGITOY:

• Ania dagiti pribilehio a tinagiragsak ni Brother Johnson?

• Kasano a nagpannuray ni Brother Johnson ken Jehova babaen ti kararag?

• Ania dagiti nasursurom iti kapadasan ni Brother Johnson?