GAMENG MANIPUD ITI SAO TI DIOS

“Kanayonto nga Adda iti Dayta ti Pusok”

Pinili ni Jehova ti templo a pagdayawanda kenkuana (2Cr 7:11, 12)

Kanayonto nga adda iti dayta ti puso ni Jehova, a mangipakita nga interesado unay iti mapaspasamak iti templo (2Cr 7:16; w02 11/15 5 ¶1)

No sumardeng dagiti tattao nga agserbi ken Jehova “iti amin a pusoda,” ipalubosnanto a madadael ti templo (2Cr 6:14; 7:19-21; it-2 1290)

Collage: Dagiti ar-aramidentayo a panagdaydayaw. 1. Brother nga agkarkararag. 2. Sister nga agkomkomento iti gimong. 3. Agassawa nga agkadua a mangaskasaba. 4. Brother nga agdaldalus iti Kingdom Hall. 5. Brother a mangikonkondukta iti family worship ti pamiliada. 6. Sister nga agbasbasa iti Biblia. 7. Sister a mangipispisok iti donasionna.

Iti inagurasion ti templo, mabalin a pinanunot dagiti tattao a kanayonto nga adda iti pusoda ti templo. Makapaladingit ta in-inut a napukaw ti kinaregtada iti panagdaydayaw ken Jehova.

ISALUDSODMO ITI BAGIM, ‘Kasano a maipakitak a naimpusuan ti panagdaydayawko?’