PANAGBIAG KAS KRISTIANO
Ikagkagumaanda ti Agserbi Kadatayo
Ipakpakita dagiti manangaywan iti sirkito ken dagiti assawada ti managsakripisio nga ayat kadagidiay pagserserbianda. Kas kadatayo, adda met dagiti personal a kasapulanda ken no dadduma, mabannog, maupay, ken maburiboranda met. (San 5:17) Nupay kasta, linawas nga agpokusda a mangparegta kadagiti kakabsat iti kongregasion a bisitaenda. Talaga a “maikari iti doble a dayaw” dagiti manangaywan iti sirkito.—1Ti 5:17.
Idi implano ni apostol Pablo a bisitaen ti Roma tapno ‘makaited iti naespirituan a sagut’ iti kongregasion sadiay, magagaran a ‘makipinnaregta’ kadakuada. (Ro 1:11, 12) Napanunotmo kadin no kasanom a maparegta ti manangaywan iti sirkitoyo ken ti baketna, no adda?
BUYAEN TI VIDEO A TI BIAG TI MAYSA A MANANGAYWAN ITI SIRKITO KADAGITI ADAYO A TERITORIA, SA SUNGBATAN DAGITOY:
Ania dagiti pamay-an nga ipakpakita dagiti manangaywan iti sirkito ken dagiti assawada ti managsakripisio nga ayat para iti kongregasion?
Kasano a personal a nagunggonaanka kadagiti panagreggetda?
Kasanotayo a maparegta ida?