PANAGBIAG KAS KRISTIANO
Papastor a Mangar-aramid iti Amin a Kabaelanda Para iti Pagimbagan ti Ili ni Jehova
Negatibo ti panagkita ti adu a tattao kadagiti adda autoridadna. Maawatantayo no apay. Nabayagen nga ab-abusuen dagiti tattao ti autoridadda para iti bukodda a pagsayaatan. (Mik 7:3) Imbag laengen ta nasanay dagiti panglakayen iti kongregasion a mangusar iti autoridadda agpaay a pagimbagan ti ili ni Jehova.—Est 10:3; Mt 20:25, 26.
Saan a kas kadagiti addaan iti autoridad iti daytoy a lubong, ar-aramiden dagiti panglakayen ti trabahoda kas manangaywan gapu iti ayatda ken Jehova ken iti ilina. (Jn 21:16; 1Pe 5:1-3) Iti panangiwanwan ni Jesus, tultulongan dagitoy a pastor ti tunggal agibumbunannag tapno mariknada a pasetda iti pamilia dagiti agdaydayaw ken Jehova ken tapno agtalinaedda a nasinged kenkuana. Alistoda a mangparegta kadagiti karnero ni Jehova ken tumulong no adda medikal nga emerhensia wenno didigra. No kasapulam ti tulong, umasidegka iti maysa a panglakayen iti kongregasionyo.—San 5:14.
BUYAEN TI VIDEO A PAPASTOR A MANGAY-AYWAN ITI ARBAN, SA SUNGBATAN DAGITOY:
Kasano a nagunggonaan ni Mariana iti tulong dagiti panglakayen?
Kasano a nagunggonaan ni Elias iti tulong dagiti panglakayen?
Base kadagitoy a kapadasan, ania ti panagriknam iti ar-aramiden dagiti panglakayen?