PANAGBIAG KAS KRISTIANO

Tulongam Dagiti Saan a Relihioso a Tattao a Mangammo iti Namarsua Kadakuada

Agduaduaka kadi a mangasaba kadagiti saan a relihioso a tattao, ta pampanunotem a saandanto met laeng a dumngeg? No wen, laglagipem a nagbalin a Saksi ni Jehova ti adu a saan a relihioso a tattao—pakairamanan dagiti ateista. Masansan a kasapulanda laeng ti bassit a tulong tapno maammuanda dagiti ebidensia nga adda Dios.—Ro 1:20; 10:14.

BUYAEN TI VIDEO A LAGLAGIPENYO—POSIBLE A MAADDAAN PAMMATI DAGITI AWANAN PAMMATI!—SAAN A RELIHIOSO A TATTAO, SA SUNGBATAN DAYTOY:

Kasano a makatulong ti kapadasan ni Tommaso tapno positibo ti panangmatmatmo iti panangasaba kadagiti saan a relihioso a tattao?

Ti sungbatmo

No kasano nga aramiden dayta

No ibaga ti maysa a tao a saan a mamati iti Dios, nasingpetka koma, nataktika, ken ipakitam a pudpudno nga interesadoka iti pampanunoten ken rikriknana maipapan iti dayta a banag. (2Ti 2:24) Pagsaritaanyo dagiti topiko a paginteresanna. Kayatna kadi a pagsaritaanyo dagiti ebidensia a nangkombinsir iti adu a mamati nga adda Namarsua? No kasta, usarem dagiti publikasion ken video a nadisenio para iti dayta a panggep. Dagiti broshur a Naparsua Kadi ti Biag? ken The Origin of Life—Five Questions Worth Asking ket nainayon iti Toolbox iti Panangisuro tapno nalakatayo a ma-access dagita.

Iti damo, baka agpangaduaka a mangibaga iti kinapudno iti maysa a saan a mamati iti Dios. Mabalinmo ti agpatulong iti maysa nga eksperiensiado nga agibumbunannag. Laglagipem met a matulongannatayo ni Jehova a mangdanon iti puso dagidiay addaan iti umiso a kababalin—uray no iti damo ket saanda a patien nga adda isuna.—Ara 13:48.