Masirib ti Panagdesdesision Dagiti Naespirituan a Tattao

Basaen ti Genesis 25:​29-34 tapno maammuam no masirib ti inaramid a desision da Esau ken Jacob.

Adalem a naimbag ti konteksto. Ania ti napasamak sakbayna? (Gen. 25:​20-28) Ania ti napasamak kalpasanna?—Gen. 27:​1-46.

Adalem a naimbag dagiti detalye. Kadagidiay a tiempo, ania dagiti kalintegan ken rebbengen dagiti inauna nga anak a lalaki?—Gen. 18:​18, 19; w10 5/1 13.

• Kanayon kadi a karaman kadagidiay a kalintegan ti panagbalin a kapuonan ti Mesias? (w17.12 14-15)

Ammuem dagiti masursurom ken iyaplikarmo dagita. Apay a mas impateg ni Jacob dagiti pribilehio ti panagbalin nga inauna ngem ni Esau? (Heb. 12:​16, 17; w03 10/15 28-29) Ania ti narikna ni Jehova kadagitoy nga agkabsat, ken apay? (Mal. 1:​2, 3) Ania koma ti inaramid ni Esau tapno nasaysayaat dagiti desisionna?

• Isaludsodmo iti bagim, ‘Kasanok a maipakita iti linawas nga ar-aramidek nga ipatpategko ti naespirituan a bambanag, kas iti panagdaydayaw ti pamilia?’