Agsursuroka Kadagiti Ladawan

Naglaon dagiti publikasiontayo kadagiti ladawan a mangisuro kadatayo kadagiti napateg a punto. Kasanom nga usaren dagitoy a ladawan tapno makasursuroka?

• Kitaem nga umuna ti ladawan sakbay a basaem ti artikulo. Mabalin a mas agintereska a mangbasa iti artikulo no kitaem nga umuna ti ladawan. Saan kadi a no makakitaka iti naimas a makan, mas eksaytedka a “mangraman” iti dayta? Isu nga isaludsodmo iti bagim, ‘Ania ti makitkitak?’—Amos 7:​7, 8.

• Bayat a basbasaem ti artikulo, panunotem no apay a dayta ti nausar a ladawan. Basaem dagiti kapsion wenno deskripsion ti ladawan no adda. Panunotem no ania ti koneksion ti ladawan iti topiko ti artikulo ken no kasanom nga iyaplikar iti biagmo dagiti nasursurom.

• No nabasamon ti artikulo, kitaem manen dagiti ladawan sa agkidemka ken padasem a lagipen dagiti ladawan ken dagiti nasursurom kadagita.

• Kitaem manen dagiti ladawan iti daytoy a magasin ken padasem a lagipen dagiti punto a nasursurom kadagita.