Makatulong Kenka Dagiti Marhinal a Reperensia

Ti Baro a Lubong a Patarus ti Nasantuan a Kasuratan ket addaan kadagiti marhinal a reperensia. Ipakita dagita nga agtutunos ti linaon ti Biblia. Kasano? Ikonektardaka kadagiti teksto a mangipaay iti kanayonan a detalye. Kasanom a makita dagiti marhinal a reperensia? Kitaem dagiti babassit a letra iti abay ti maysa a sao iti teksto. No ti nayimprenta a Biblia ti us-usarem, masarakam dagiti konektado a teksto no kitaem ti kapadana a letra iti kolum a makita iti tengnga ti panid. No agus-usarka iti jw.org wenno JW Library^® app, talmegam ti bassit a letra tapno makitam dagiti konektado a teksto.

Mabalin nga ikonektarnaka dagiti marhinal a reperensia iti maysa kadagitoy ken iti dadduma pay:

Kapadana a Salaysay: Ti marhinal a reperensia iturongnaka iti kapadana a salaysay nga adda iti sabali pay a libro ti Biblia. Kas pagarigan, kitaem ti 2 Samuel 24:1 ken 1 Cronicas 21:1.

Nakaadawanna: Isuro ti marhinal a reperensia no nakaadawan ti sasao wenno termino. Kas pagarigan, kitaem ti Mateo 4:4 ken Deuteronomio 8:3.

Natungpal a padto: Ti marhinal a reperensia iturongnaka iti padto ken iti kaitungpalanna. Kas pagarigan, kitaem ti Mateo 21:5 ken Zacarias 9:9.