Sangalubongan a Panangasaba ken Panangisuro—Pakadagupan iti 2009
ADDA nagpateg a sagut nga ituktukon ni Jehova kadagiti tattao iti intero a lubong. Isu daytoy ti naimbag a damag maipapan iti Pagarian. Datayo a nangawat iti dayta a sagut ken mangay-ayat ken Jehova ket addaan iti pribilehio a mangiranud iti naimbag a damag. Iti kasta, maaddaantayo iti rag-o gapu ta maay-ayotayo Daydiay nangipaay iti sagut ken dagidiay umawat iti dayta. Wen, ebkas ti ayattayo iti Dios ken kadagiti padatayo a tattao ti panangikasaba iti naimbag a damag. (Mat. 22:37-40) Kadagiti sumaganad a panid, mabasatayo no kasano nga impakita dagiti adipen ni Jehova dayta nga ayat babaen ti sireregta a panangasabada iti intero a lubong.
Pakadagupan iti 2009
Sanga nga Opisina Dagiti Saksi ni Jehova: 118
Bilang Dagiti Pagilian a Nagreport: 236
Dagup Dagiti Kongregasion: 105,298
Bilang Dagiti Timmabuno iti Memorial iti Intero a Lubong: 18,168,323
Bilang Dagiti Nakiraman iti Memorial iti Intero a Lubong: 10,857
Kangatuan a Bilang Dagiti Agibumbunannag iti Serbisio ti Pagarian: 7,313,173
Promedio nga Agibumbunannag a Mangaskasaba iti Kada Bulan: 7,046,419
Porsiento ti Irarang-ay no Idilig idi 2008: 3.2
Dagup Dagiti Nabautisaran: 276,233
Promedio nga Auxiliary Pioneer nga Agibumbunannag iti Kada Bulan: 304,551
Promedio a Payunir nga Agibumbunannag iti Kada Bulan: 794,317
Dagup ti Oras a Nabusbos iti Tay-ak: 1,557,788,344
Promedio a Panangyadal iti Biblia iti Kada Bulan: 7,619,270
Bayat ti 2009 a tawen serbisio, nangbusbos dagiti Saksi ni Jehova iti nasurok a $140 milion iti panangaywan kadagiti special pioneer, misionero, ken agdaldaliasat a manangaywan iti nakaidestinuanda a tay-ak ti serbisio.
◼ Iti sangalubongan, agdagup iti 19,829 ti bilang dagiti ordinado a ministro nga agserserbi kadagiti sanga nga opisina. Bin-igda a miembro ti Worldwide Order of Special Full-Time Servants of Jehovah’s Witnesses.
[Tsart iti panid 32-39]
REPORT ITI 2009 A TAWEN SERBISIO DAGITI SAKSI NI JEHOVA ITI SANGALUBONGAN
(Kitaem ti publikasion)
[Mapa iti panid 40-42]
(Kitaem ti publikasion)