Teksto iti Tawen 2016

‘Adunto ti aggiginnura’ ken “ti ayat ti ad-adu lumamiisto.” (Mat. 24:10, 12) Impadto ni Jesus babaen kadagitoy a sasao nga awananto iti ayat dagiti tattao kadagiti tawtawen sakbay ti pannakadadael ti Jerusalem iti 70 C.E. Ngem dagiti adalan ni Kristo ket mailasinto gapu iti ayat nga ipakpakitada. (Juan 13:35) Naparegta la ketdi dagiti Hebreo a Kristiano idiay Jerusalem idi nabasada ti surat ni Pablo a mangibagbaga nga addaanda iti nainkabsatan nga ayat ken mangiparparegta nga itultuloyda nga ipakita dayta!

Ita, nakaas-asidegen ti pannakadadael ti intero a sistema ti bambanag ni Satanas. Kas kadagiti kakabsattayo idi umuna a siglo, napalawlawantayo kadagiti tattao a managayat iti kuarta, ragragsak, ken iti bagbagida ngem bassit ti panagayatda iti Dios wenno iti padada a tao. (2 Tim. 3:1-4) Ngem dumakdakkel ti nainkabsatan nga ayat kadagiti Saksi ni Jehova iti intero a lubong. Idaydayawtayo koma ni Apo Jehova, ti perpekto nga ulidan ti ayat, babaen ti agtultuloy a panangipakitatayo iti nainkabsatan nga ayat.