Apay a Saksi ni Jehova ti Awag Kadakayo?

Jehova ti personal a nagan ti Dios, kas mabasa iti Biblia. (Exodo 6:3; Salmo 83:18) Ti saksi ket maysa a tao a mangipakpakaammo kadagiti kapanunotan wenno kinapudno a nakakombinsiranna.

Gapuna, ti naganmi a Saksi ni Jehova ipabigbignakami kas maysa a grupo dagiti Kristiano a mangipakpakaammo iti kinapudno maipapan ken Jehova, ti Namarsua iti amin a banag. (Apocalipsis 4:11) Mangipapaaykami iti panangsaksi kadagiti sabsabali babaen ti wagas ti panagbiagmi ken babaen ti panangiranudmi kadagiti nasursuromi iti Biblia.—Isaias 43:10-12; 1 Pedro 2:12