Mamatikayo Kadi ken ni Jesus?

Wen. Mamatikami ken Jesus, a nangikuna: “Siak ti dalan ken ti kinapudno ken ti biag. Awan ti umay iti Ama malaksid no baeten kaniak.” (Juan 14:6) Mamatikami nga immay ni Jesus ditoy daga manipud langit ken intedna ti perpekto a natauan a biagna kas daton a subbot. (Mateo 20:28) Babaen iti ipapatay ken panagungarna, maaddaan dagidiay mamati kenkuana iti gundaway nga agbiag nga agnanayon. (Juan 3:16) Mamatikami met nga agturturayen ni Jesus kas Ari ti nailangitan a Pagarian ti Dios, a mabiiten a mangyeg iti talna iti intero a daga. (Apocalipsis 11:15) Nupay kasta, kinuna ni Jesus: “Ti Ama dakdakkel ngem siak.” (Juan 14:28) Gapuna, saanmi a daydayawen ni Jesus ta saankami a mamati nga isu ti Mannakabalin-amin a Dios.