Kasano ti Pannakaorganisar Dagiti Kongregasion Dagiti Saksi ni Jehova?

Adda grupo wenno bagi dagiti panglakayen a mangidadaulo iti tunggal kongregasion. Agarup 20 a kongregasion ti mangbukel iti maysa a sirkito. Dagiti kongregasion ket regular a bisbisitaen dagiti agdaldaliasat a panglakayen, a maaw-awagan iti manangaywan iti sirkito.

Dagiti naibatay iti Biblia a pannarabay ken instruksion ket ipapaay ti Bagi a Manarawidwid a buklen dagiti nabayagen a Saksi nga agtrabtrabaho ita iti sangalubongan a hedkuarter dagiti Saksi ni Jehova idiay Warwick, New York, U.S.A.—Aramid 15:23-29; 1 Timoteo 3:1-7.