Adda Kadi Espesipiko a Lugar nga Ayan ti Dios?

Sungbat ti Biblia

Wen. Adda espesipiko a lugar nga ayan ti Dios—ti langlangit. Usigem dagitoy a teksto iti Biblia:

Iti kararagna, kinuna ni Ari Solomon: “Umimdengka koma manipud langlangit, ti naipasdek a disso a pagnanaedam.”—1 Ar-ari 8:43.

Insuro ni Jesu-Kristo kadagiti adalanna nga iturongda dagiti kararagda iti ‘Amada nga adda iti langlangit.’—Mateo 6:9.

Idi napagungar ni Jesus, isu ket simrek “idiay langit a mismo, tapno agparang ita iti sanguanan a mismo ti Dios.”—Hebreo 9:24.

Nalawag nga ipakita dagita a teksto a ni Jehova a Dios ket maysa a pudpudno a persona, ken agnanaed laeng idiay langit, saan nga iti sadinoman.