32 Nakatugaw ni Eliseo iti balayna a kadua dagiti panglakayen. Nangibaon ti ari iti mensahero nga umun-una kenkuana, ngem sakbay pay a makadanon ti lalaki, kinuna ni Eliseo kadagiti panglakayen: “Nangibaon daytoy nga anak ti mammapatay+ iti mangpugot kaniak. Siputanyo ta no umay ti mensahero, iserrayo ti ridaw sa iduronyo tapno saan a makastrek. Adda ti apona iti likudanna.”