6 Agtaktakder idi dagiti papadi iti pagtrabtrabahuanda, kasta met dagiti Levita a nakaiggem kadagiti instrumento a pangakompaniar iti kanta para ken Jehova.+ (Inaramid ni Ari David dagitoy nga instrumento para iti panagyaman ken Jehova—“gapu ta agnanayon ti napudno nga ayatna”—no agdaydayaw ni David a kaduana ida.*) Sipipigsa a nagtrumpeta+ dagiti papadi iti sanguananda, bayat a sitatakder ti amin nga Israelita.