Footnote

a Dadduma ti nangisingasing ti sabali pay a rason: Mabalin a naimpluensiaan dagiti Judio iti pilosopia dagiti Griego. Kas pangarigan, ni Philo, a pilosopo a Judio manipud Alexandria a mabalbalin a kapatada ni Jesus, ti naimpluensiaan unay ni Plato, a Griego a pilosopo, nga impagarupna nga isut’ nadiosan pannakapaltiingna. Ti Lexikon des Judentums (Lexicon of Judaism), iti sidong ti “Philo,” kunana a ni Philo “pinagkaykaysana ti pagsasao ken ideya ti pilosopia a Griego (ni Plato) nga intipon iti pammati dagiti Judio” ket iti panangrugina isu ti “addaan ti makitkita nga epekto kadagiti amma ti Nakristianuan nga iglesia.” Insuro ni Plato a ti Dios saan a madepinar ket, ngarud, awan ti naganna wenno di mainaganan.