Footnote

c Kas pangarigan: (1) Idi maika-16 a siglo, aktibo dagiti kontra-trinitariano a movimiento idiay Europa. Kas pangarigan, ni Ferenc Dávid (1510-79), maysa a Hungariano, ammona ken insurona a di-Nainkasuratan ti sursuro a Trinidad. Gapu iti pammatina, isut’ natay idiay pagbaludan. (2) Ti Minor Reformed Church, a nagsaknap idiay Poland iti agarup sangagasut a tawen idi maika-16 ken -17 a siglo, inlaksidna met ti Trinidad, ket nangiwaras dagiti pasurot dayta a simbaan kadagiti literatura iti intero nga Europa, agingga a nagballigi dagiti Jesuita a nangpatalaw kadakuada idiay Poland. (3) Inlaksid ni Sir Isaac Newton (1642-1727), idiay Inglaterra, ti doktrina a Trinidad ken nagsurat kadagiti detaliado a historikal ken Nainkasuratan a rason no apay inaramidna dayta, ngem dina impablaak dagitoy idi kaaldawanna, nalawag a gapu iti panagamak iti mabalin a mapasamak. (4) Malaksid kadagiti dadduma idiay America, imbutaktak ni Henry Grew ti Trinidad kas di-nainkasuratan. Idi 1824 inusigna daytoy a banag iti An Examination of the Divine Testimony Concerning the Character of the Son of God.