Footnote

k No ti Griego a berbo a khei·ro·to·neʹo ket maiyulog laeng a kaipapanannat’ ‘panangbutos babaen iti panangiyunnat ti ima,’ dinan ikankano daytoy ti maikadua a kayuloganna. Gapuna, ti A Greek-English Lexicon, da Liddell ken Scott, nga insagana da Jones ken McKenzie ken nabaliwan a nayimprenta idi 1968, itdenna ti kayulogan a “yunnat ti ima, tapno butosan iti gimong . . . II. c. akusatibo a pronombre, butosan, siuumno babaen iti panangitayag kadagiti ima . . . b. idi agangay, kaaduanna, dutokan, . . . dutokan iti maysa a saad iti uneg ti Iglesia, [pre·sby·teʹrous] Ara. Ap. [Aramid dagiti Apostol] 14.23.” Dayta maikadua a kayulogan isut’ maus-usar idi tiempo dagiti apostol; kastat’ panangusar ni Judio a historiador Josephus iti dayta a termino idi immuna a siglo sigun iti Jewish Antiquities, Libro 6, kapitulo 4, parapo 2, ken kapitulo 13, parapo 9. Ti pannakabukel ti gramatika ti Aramid 14:23 iti orihinal a Griego ipakitana a da Pablo ken Bernabe isudat’ nangyunnat iti imada.