Footnote

c No dadduma “iglesia” ti naiyawag kadagiti lokal a grupo, a maitunos iti termino nga inusar ti King James Version. Naawaganda pay ecclesias, sigun iti termino a nausar iti teksto ti Griego a Biblia. Naaramat met ti ebkas a “dagiti klase,” yantangay talaga a buklenda dagiti gunglo dagiti estudiante nga aggigimong a regular tapno agadal. Idi agangay, idi naawaganda a kompania, imparangarangna a siaammodat’ inda iraraman iti naespirituan a dangadang. (Kitaenyo ti Salmo 68:11, KJ, margin.) Idi naipablaaken ti New World Translation of the Christian Greek Scriptures idi 1950, ti moderno a pagsasao a termino ti Biblia a “kongregasion” regular a nausaren kadagiti kaaduan a daga.