Footnote

a Nupay kasta, ikonsiderar ni Jehova dagiti dadduma pay a banag iti panangikeddeng no rumbeng ti pammakawan. Kas pagarigan, no ignorante ti nakabasol kadagiti pagalagadan ti Dios, ti kasta a kaawan pannakaammo mabalin a palag-anenna ti basol. Idi indawat ni Jesus iti Amana a pakawanenna dagiti tattao a mangpapatay kenkuana, nalawag a dagiti Romano a soldado a nangpapatay kenkuana ti tuktukoyen ni Jesus. ‘Dida ammo ti ar-aramidenda,’ ta saanda nga ammo no asino a talaga isuna. Nupay kasta, nadagdagsen nga adayo ti basol dagiti relihiuso a papangulo nga adda iti likudan ti pannakapapatayna​—ket kaaduan kadakuada ti saan a napakawan.​—Juan 11:45-53; idiligyo ti Aramid 17:30.