Footnote

a Kastoy ti nainsiriban a komento idi Ti Pagwanawanan: ‘Saantay koma a sayangen daytoy a biag gapu laeng kadagiti ubbaw a banag . . . No kastoy laengen ti biag, awanen ti banag a napateg. Daytoy a biag ket kasla maysa a bola a maibato a pagammuan matnag manen iti daga. Maysa nga apagdarikmat nga anniniwan, malaylaylay a sabong, ruot a maparaspas ket pagammuan magango. . . . Iti pagrukodan ti kinaagnanayon ti kaatiddog ti biagtayo ket awan kuentana a tuldek. Iti agus ti panawen saan pay a mayarig dayta iti napigsa a tedted ti ayus. Talaga nga umiso [ni Solomon] idi repasuenna ti adu a pakaseknan ken ar-aramid iti biag ti tao ken kunana nga ubbawda. Di agbayag mataytayon a kasla awan mamaayna a maipasngaytayo, maysa kadagiti binilbilion ti umay ken mapan, a nagbassit laeng ti makaammo nga addatay ditoy. Daytoy a panirigan ket saan a naatap wenno naladingit wenno nalidem wenno naliday. Agpayso dayta, maysa a kinapudno a sanguen, praktikal a panirigan, no kastoy laengen ti biag.’​—Abril 1, 1958, panid 221.