Footnote

c Adda dua a salaysay a mangipakita iti kinaawan panagraemda. Ti maysa nga espesipiko a dinakamat ti Linteg ket no ania laeng a paset ti daton ti mabalin a kanen ti padi. (Deuteronomio 18:3) Ngem iti tabernakulo, saan a sursuroten dayta dagiti dakes a papadi. Bilinenda ti katulonganda a mangyaon iti karne a mailamlambong iti siliasi babaen ti dakkel a tinidor ket alaenda ti aniaman a madugsolda a paset ti daton! Kasta met, no mangipan dagiti tattao kadagiti daton a mapuoran iti altar, butbutngen ida ti maysa a katulongan dagiti dakes a padi tapno itedda ti naata a karne uray saan pay a naidatag ken Jehova ti taba a paset ti daton.​—Levitico 3:3-5; 1 Samuel 2:13-17.