Footnote

b Da Sara ken Abraham ket agkabsat iti ama. Ni Tare ti tatangda ngem agduma ti inada. (Genesis 20:12) Saanen a maawat ti kasta a panagasawa ita. Ngem napateg a laglagipentayo a sabali ti kasasaad idi. As-asideg dagiti tattao iti kinaperpekto a tinagiragsak da Adan ken Eva ngem napukawda idi agangay. Para kadagiti kasta a nasalun-at unay a tattao, ti panagasawa dagiti asideg nga agkabagian ket awan epektona iti salun-at ti agbalin nga annakda. Ngem kalpasan ti agarup 400 a tawen, adayon dagiti tattao iti kinaperpekto. Iti dayta a tiempo, impariten ti Linteg a naited ken Moises ti panagasawa dagiti asideg nga agkabagian.—Levitico 18:6.