Ti ari ti Tiro nalawag a tukoyenna daytoy a tao kas Hiram-abi, nga agparang a maysa a pakailasinan a nagan a ti literal a kaipapananna ket “Ni Hiram nga Amak.” (2Cr 2:13) Ditoy, ti ari saanna a kayat a sawen a ni Hiram ti literal nga amana no di ket nalabit isu ti “manangbalakad” wenno “nasigo a trabahador” ti ari. Umas-asping iti dayta, ti sao a Hiram-abiv (iti literal, “Ni Hiram nga Amana”) agparang a ti kaipapananna ket ‘Ni Hiram ti nasigo a trabahadorna (kayatna a sawen, ti ari).’​—2Cr 4:16.

[Ni Hiram nga Amana].

Termino a nausar a pangtukoy iti nasigo a tumatrabaho a naibaon manipud Tiro tapno imatonanna ti pannakaaramid dagiti alikamen ti templo ni Solomon. Agparang nga ipasimudaag dayta a ni Hiram ket “ama,” saan nga iti literal nga anag, no di ket yantangay maysa a nasigo a trabahador.​—2Cr 4:16; kitaenyo ti HIRAM Num. 2.