Kanta 85
Naan-anay a Gunggona a Naggapu ken Jehova
Nayimprenta nga Edision
1. Matalek ti Dios ken pagaammona
Dagiti ad-adipenna.
Supapakanna ti kinaregtada
Uray no mapukawanda.
Panawam man ti gayyem ken pamiliam,
Ti Dios dinaka baybay-an.
Dagiti kakabsat addat’ sibaymo
Ken biag ti masagrapmonto.
(KORO)
Ni Jehova ket Dios ti liwliwa;
Naan-anay a gunggonat’ yegna.
Payaknat’ mangsalukob kenka.
Amin a karina ket tungpalenna.
2. Dadduma a kakabsat inkeddengda
A dida makiasawa.
Gapu ta Pagarian iyun-unada,
Makapnek ti panagbiagda.
Pudno a gaput’ kinamaymaysada,
Malmaldayda no dadduma.
Komendaran ken pabilgentay ida
Gaput’ kinamatalekda.
(KORO)
Ni Jehova ket Dios ti liwliwa;
Naan-anay a gunggonat’ yegna.
Payaknat’ mangsalukob kenka.
Amin a karina ket tungpalenna.
(Kitaem met ti Uk. 11:38-40; Ruth 2:12; Mat. 19:12.)