Kanta 76
Ni Jehova, Kasayaatan a Gayyemtayo
1. Ni Jehova, a Nasungdo,
’Sut’ Gayyem a pudno.
Dagat’ taeng nga intedna,
Ken biag di agngudo.
Nupay nalinteg a danat’
Binay-an da Adan,
Gayyemna daydiay matalek,
Inggat’ panungpalan.
2. Adda tao a matalek
Managan Abraham.
Nakapudno ti pannubok,
Inggat’ panungpalan.
Namati a no agtulnog
Agbiagtot’ anakna.
Gayyem nga’d Dios ni Abraham,
Natarnaw kenkuana.
3. Ditoy daga, Anak immay
Taot’ inayatna.
Biagnat’ inted, naisublitay
Manen iti Ama.
Nupay Diablot’ nangsulisog
Inay-ayatnat’ Dios,
Kas nasungdo nga Anakna,
Nagibtur ni Jesus.
4. Dios ken Kristot’ kasaya’tan
A gayyemtay itan.
Gaput’ pudno nga ayatda
Biagtay magun-odan.
No lubong ti pagayamtay
Kabusortay, Diosto.
’Su makigayyem kenkuana,
Agtibker, agsungdo.