Kanta 221
Agtutubo! Tuladenyo ti Pammatida
1. Idi napusot ni ubing a Samuel,
Nagserbi ’diay templo, idiay dimmakkel.
Propetat’ Israel nagbalinanna,
Kas Nazareo indayawnan’ Jehova.
Annak ni Eli nakas-angda unay.
Maisungsungda ’yan’ Samuel nga umikay?
Saan, ta nasudi ti pammatina.
Pulos di simmiasi ken ni Jehova.
2. Naisigsigud ’ti Biblia ni Timoteo.
Kas panglakayen isu ket nasungdo.
Naynay prinsipiot’ Dios inyaplikarna.
Kinamatalek inkagumaanna.
Nagsay’at damagnat’ kongregasionda,
Rekomendasionnat’ nagkay’saanda.
Nagmisionero a kadua ni Pablo;
Nabendisionan adu a Kristiano.
3. ’Diay balasitang nga Israelita,
Pammatinat’ Dios perlas ti arigna.
Nupay nakayawan, ’sut’ nagmatalek;
Adut’ natignay sungdona ken regget.
Asawan’ Naaman pinaka’mmuanna:
‘Makaagas ti propetan’ Jehova.’
Namati met Siriano a kapitan.
Naagasan gaput’ ’diay balasitang.
4. Ubbing a kakabsat maigunamgunam,
Dagitoy nga agtutubot’ pagwadan.
Adda trabahotay ’tan panungpalan.
Nangpilin’ Jehova ti ibaonnan.
Umaykay, agtutubo, makigubat.
Kas adipen Dios, ayaten naimbag.
Ipukkaw pakdaar ket Dios idayaw.
Gunggona’nnatay ’ton dumteng ti aldaw.