Kanta 87
Panangrabii ti Apo
1. Amami a nailangitan,
Nasantuan ’toy a rabii!
Imparangmot’ sirib, dayag ken ayat,
Katorse ti Nisan idi.
Kinnandat’ kordero ti Paskua,
Ket Israel naluk-atan.
Kalpasan adu a siglo, Apot’ natay
Ket daytoy a padtot’ natungpal.
2. Naurnongkam iti sanguanam,
Immaykam a kas arbanmo,
Ti ’yaay ni Kristo inkam agyaman,
Idayawmi ti naganmo.
Naidiayat’ arak ken tinapay
A di nalebaduraan.
Dagitoy ti mangisimbolot’ taraon
Nga inkami pakiramanan.
3. Kaipapanan ti tinapay
Bagin Kristo, naidaton.
Ti arak isimbolona ti dara,
Subbot ti’ntay panagbasol.
Daytoy a Panglaglagip intay
Imulat’ isip ken puso.
Ti inted ni Kristo a dalan suroten,
Tapno biag ti magun-odtayto.