Kanta 66

Pannakabalin ti Kinamanangaasi

(Roma 2:4)

1. Anian a yamantay ’ti Dios,

Ayat impaayna

Ken kinamanangaasi,

Iti parparsuana!

Nupay isu ket nabileg,

Napalalo a maseknan.

Gaput’ panangaasina,

Mayattay nga’gtungpal.

2. Idi nangisuron’ Jesus,

Sipapakumbaba,

Ken si’asi, insurona,

Dagiti naemma.

Gaput’ kina’mo ken ayat,

Bimmileg ti nautoyan,

Ken basol managdakdakes

Inda nagbabawyan.

3. Ti kinamanangaasi

Intay ngad ibunga

No kayattay a tuladen

Ti Dios ken Kristona.

No aduantay parparikut,

A nagrigat a marisut

Masapul panangyaplikar

Ti asi ken anus.

4. Anian a kinaimbagna

No maawatantay

A ti asi aduan bunga

Nga inna ipaay!

Ad-adut’ ragsak ti mangted

Ngem dagidiay umaw-awat.

No naynaytay a naasi,

Dios ti maidaydayaw.