Kanta 64

Pammati a Kas Ken Abraham

(Genesis 22:1-18)

1. Naragsak daydiay manganag

Sao ni Jehova;

Ta ti Dios ammona amin,

Rugi ken patingga.

Pakaliwliwaantayo,

Padto idi ugma

Itan mabukbuksilanen

Ti kaipapananda.

2. Utobenyo ni Abraham,

Kaduanan’ Isaac,

Suot ti addat’ ’diay Moria;

Ngem inda simmang-at.

Kiniddaw idin’ Jehova

Daton ni Abraham

Tapno pagayatan ti Dios,

Ket isut’ matungpal.

3. Gapu ti kinatulnogna

Impa’ynat’ ladawan,

Gaput’ ayat ni Jehova,

Subbot naipaay.

No agtulnogtay a naynay,

Biag ti magun-odan

Ken ipakattay pammati

A kas ken Abraham.