Saludsod

Kaano a mabalin nga ireport ti baro nga iyad-adalan iti Biblia, ken siasino dagiti mabalin nga ibilang nga iyad-adalan?

Mabalin nga ireport ti baro a panangyadal iti Biblia iti pagtaengan no nayadalanen iti namindua kalpasan ti panangidemostra iti urnos ti panagadal ken adda pamatian a maitultuloy ti panagadal. Mayaramidan koma iti Study Report form sa maited iti ngudo ti bulan. Maireport ti panagsarungkar ken ti oras a nabusbos iti kada panangyadal.

No adda sabali nga agibumbunannag a mangkuyog iti daydiay mangyad-adal, mabalinna nga ireport ti oras no makiraman iti panagadal. Nupay kasta, ti laeng konduktor ti panagadal ti mangireport iti panagsarungkar ken ti panangyadal iti Biblia.

No dadduma mabalin a kiddawen ti panglakayen a kameng ti Congregation Service Committee iti maysa nga agibumbunannag nga iyadalanna iti Biblia ti inaktibo a bautisado nga agibumbunannag. Saan a maireport daytoy kas nailawlawag iti libro a Ti Ministeriotayo, panid 103.

Mabalin nga ireport ti naganak ti regular a panagadal iti pamilia no adda karaman a di nabautisaran a miembro. Agingga iti maysa nga oras ken maysa a panagsarungkar ti mabalin met nga ibilang iti kada lawas a pannakaidaulo ti panagadal.