Kanta 36
“Naragsak dagiti Naemma”
1. Dios bendisionannat’ naemma;
Napalalot’ ragragsakda.
Uray no maidadanesda;
Sia’nus, Dios urayenda.
Nadangkes wenno natangsit,
Sa’nda ida a kaamak.
Biag dagita dinto agpaut
Ruotdanto a maikisap.
2. Kunan’ David a ‘Nagubingak,
Ngem itatta lakayakon.
Diak pay nakakitat’ nalinteg
A naawanan taraon.’
Agtalekkay ngad iti Dios,
Mapiar komat’ aw-awidyo.
No agragsakkay ken Jehova,
Bendisionannat’ bannogyo.
3. Mabiiten dagiti dakes;
Nagsaadandat’ awanton,
Ngem sagrapenton ti naemma
Talna, dagat’ kukuadanton.
Mientras ditay pay nakagteng
Patgentay ti kinapudno
Ket agbalintay a naemma
Aramid ken panagsao.