Kanta 54
Agsantotayo
1. Imbilin ti Dios agsantotay koma,
Ta ken Kristo nadalusantayon.
Kas naemma, napakumbaba nga
Umili, mapaliiwdatayon.
2. Naisinatayon kas sanikuat’ Dios,
Kas nasionna ken karkarnerona.
Kababalintay ti sibubulos
A mangsalimetmet linlintegna.
3. Ti ’yaabantetayo ket karkarna
Ta ti Dios innatayo gugoran.
Lumawlawag ti kinapudnona,
Din taliataliawen naglikudan.
4. Alaentay, ngad amin a gundaway,
Agsantotay ket lawag pagnaan.
Dios ti dayawen ken ay-aywentay,
Ta isut’ matalek ken Nasantuan.