Kanta 68
Nadiosan nga Asi
1. No pudnotay a Kristiano,
Asit’ intay iparang
Kadagiti estranghero,
Agraman met kabagian.
Ti Mannursurotay
Kastat’ inna imbatad
Sigun ti pangngarig.
Naragsak mangipangag!
2. Maysa Samaritano ti
Simmalog ’diay Jerico.
Tulisan pinarigatda
Iti maysa a Judio.
’Sut’ inarayatna,
Inwaksina ti ilem.
Ayat inusarna.
Impakatna ti bilin.
3. Ti makasapul badangtay
’Sut’ kaarrubatayo.
Dios naayat uray siasino,
Mangted init ken tudo.
Nawadwad asit’ Dios!
Talaga ngay ’sut’ gayyem.
Asinat’ nabaknang.
Mabalintay agtaklin.
4. Kanen ken kawes itedtay
Kaarruban dadduma.
Ngem adda pay ti nasnasken
Tapno manayon biagda.
’Yadaltay Pagarian,
Ti Dios ken kinalinteg
Iti kaarruba
Ket Dios inda bendituen.