Kanta 22

Panangipangag iti Mensahen’ Judas

(Judas 21)

1. Agtignay no mabasat’

Insurat ni Judas.

Nairekord balakad

Tapnon ditay matnag.

Pabilgen, pakirdennatay

Ti pammatigmaanna.

Pammatitay ket pagbiagenna.

2. Innatay pakdaaran

Tapnon dakes lisian.

No Diablot’ mangsulisog,

Ditay agpasugsog.

Kayatna nga agsukirtay;

Babaen kinasikap,

Padasennatay nga itennag!

3. Babaen panangsulbog

Indatay iluod.

Iti Dios agpasakop,

Isiasit’ di ’tulok.

Mensahen’ Judas kabaltay,

Suronat’ panagridam!

Ket apostasiat’ maliklikan.

4. Makidangadangtay ti

Agpaay pammati.

Asi, ayat ken talna,

Paaduentay ida.

Ken Jehova nga ’sut’ Diostay,

Ken ni Kristo nga Apo,

Agkaykaysa, agdayawtayo.