Ikasaba ti Naimbag a Damag

1. Sagrado a palimed, nabuksilanen.

Naikari a Bin-i, naipalgaken.

Gapu iti panagayat ni Jehova,

Taot’ kinaasianna ken sinubbotna.

Anaknat’ tinudingan ken insaadna

A mangituray iti intero a daga.

Ti bassit nga ipastoran pinilina

Kas naipadayag a nobiat’ Anakna.

2. Ti naimbag a damag a naipadto,

Itan ti tiempo a maipakaammo.

Dagiti anghel tultulongandatayo

Bayat a Pagarian iwarwarnaktayo.

Pribilehio ken annongentay ngad ita

A santipikaren ti nagan ni Jehova.

Pagrag-oantay ti agserbi kas Saksina.

Naimbag a damag intay ikasaba.