Kanta 127
Pasdek a Maipaay iti Naganmo
Nayimprenta nga Edision
1. Pagragsakanmi, O Jehova,
Nga ibangon para kenka
’Toy pasdek a pakaitan-okam
Ken pakaidaydayawam.
Amin nga ipaaymi kenka,
Sika ti naggubuayanna.
Saguday, pigsa, sanikuami,
Naimpusuan nga itdenmi.
(KORO)
’Toy pasdek a pagdayawan
Ket idatonmi kenka.
Sapay ta awatem, Apo,
Gapu iti naganmo.
2. Addakam ditoy, O Jehova,
Tapno idaydayawdaka.
Adut’ umad-adani kenka
Gapu ta masursuruanda.
’Toy pasdek a pagdayawanmi
Kanayon nga aywananmi.
Agserbi a pakaitan-okan
Ti naganmo a nasantuan.
(KORO)
’Toy pasdek a pagdayawan
Ket idatonmi kenka.
Sapay ta awatem, Apo,
Gapu iti naganmo.
(Kitaem met ti 1 Ar. 8:18, 27; 1 Cron. 29:11-14; Ara. 20:24.)