Ania ti Kapatgan Kaniak?

Nakigabbo ni Jacob iti maysa nga anghel tapno maalana ti nakapatpateg​—ti bendision ni Jehova. (Ge 32:24-31; Os 12:3, 4) Datayo ngay? Situtuloktayo kadi a mangaramid iti amin a kabaelantayo nga agtulnog ken Jehova ken gun-oden ti bendisionna? Kas pagarigan, ania ti aramidentayo no makiddaw nga ag-overtime-tayo iti trabaho kadagiti oras ti gimong ti kongregasion? No ipaaytayo ken Jehova ti kasayaatan iti panawen, pigsa, ken sanikuatayo, ibukbokna ti ‘bendision agingga nga adda aminen a kasapulantayo.’ (Mal 3:10) Iwanwan ken protektarannatayo ken ipaayna dagiti kasapulantayo.—Mt 6:33; Heb 13:5.

BUYAEN TI VIDEO A KANAYON NGA AGPOKUS KADAGITI NAESPIRITUAN A KALAT SA SUNGBATAN DAGITOY:

• 

  Kasano a nasubok ti sister gapu iti pagay-ayatna nga aramiden?

• 

  Kasano nga agbalin a pannubok kadatayo ti trabahotayo?

• 

  Apay a masapul a mangaramid latta iti kalat ni Timoteo uray no nataenganen iti naespirituan?​—1Ti 4:16

• 

  Kasanotayo a maipakita no ania ti kapatgan a trabahotayo?