Awan Mabatbati a Kopiana

Kastoy ti insurat ti maysa a negosiante iti sanga nga opisina dagiti Saksi ni Jehova idiay Slovenia:

“Agyamanak kadakayo ta regular a patpatulodandak kadagiti magasin nga Agriingkayo! ken Pagwanawanan. Itugtugotko ida tunggal agbiaheak, ta basaek ida kabayatan ti biahe ken bayat nga agur-urayak kadagiti miting iti negosio.

“Kayatko met a kiddawen a patulodandak kadagiti sumaganad a publikasion a nadakamat kadagiti magasinyo: Is There a Creator Who Cares About You?, Ania ti Panggep ti Biag? Kasanoyo a Masarakan Dayta?, ken Libro Para iti Amin a Tao.

“Kayatko koma ti maaddaan iti sagdudua a kopia ti tunggal publikasion. Ngamin, tunggal basaek ti maysa kadagiti publikasionyo no agbibiaheak, adda interesado unay iti basbasaek. Itedkon ti kopiak iti dayta a tao nupay kayatko nga ikabil iti librariak.”

Mangnamnamakami a dakkel met ti magunggonam no basaem ti 32-panidna a nagsayaat a broshur a napauluan Ania ti Panggep ti Biag? Kasanoyo a Masarakan Dayta? Ipakita daytoy a publikasion nga adda naindaklan a panggep ti Namarsua kadatayo nga asidegen a matungpal. Makaawatka iti kopia babaen ti panangsurat ken panangibusonmo iti naipakuyog a kupon iti direksion a makita iti kupon wenno iti maitutop a direksion a nailista iti panid 5 daytoy a magasin.

□ Patulodandak iti broshur nga Ania ti Panggep ti Biag? Kasanoyo a Masarakan Dayta?

□ Pangngaasiyo ta pakaammuandak maipapan iti libre a panagadal iti Biblia iti pagtaengan.