No Kasano a Masagrap ti Naragsak a Biag ti Pamilia
“KASTOY ti insurat ni Graciela a taga Argentina, Abagatan nga America: “Agbasbasaak iti magasin a Pagwanawanan ken Agriingkayo! iti 40 a tawenen. Ita, kalpasan ti nagadun a tawen, talaga a maibagak a naipaayda dagiti kasapulak. Tinulongandak kabayatan ti kinaubingko, kinatin-edyerko, pannakinobio ken pannakiasawak, ken iti panangpadakkelko iti innem nga annakko.
“Dagiti magasin ti makatulong kadakami nga agassawa a mangpadakkel iti uppat nga annakmi a kabbalaymi pay laeng. Us-usarek a naimbag dagiti magasin no kasaritak ti annakko ken dagiti mannursuroda idiay eskuelaan. Direkta nga ibasak iti Agriingkayo! no makisaritaak kadagiti doktor maipapan iti nadumaduma a sakit. Gapu iti serye dagiti artikulo iti akkub a napauluan “Tulong Kadagiti Ubbing a Marigatan nga Agsursuro” (Pebrero 22, 1997), naamirismi a marigatan ti maysa kadagiti babbalasangmi nga agsursuro.”
Makatulong dagiti publikasion ti Watch Tower Society kadagiti pamilia a mangdaer iti adu a parikut a sarsarangtenda tapno sangsangkamaysa a masagrapda ti naragsak a biag. Kas pagarigan, ti 192-panid a libro a Ti Sekreto ti Kinaragsak iti Pamilia matulonganna dagiti assawa a lallaki, assawa a babbai, nagannak, annak, lolo ken lola—wen, tunggal miembro ti pamilia. Adtoy ti sumagmamano kadagiti makaisuro a kapitulona: “Sanayenyo ti Anakyo Manipud Kinamaladaga,” “Tulonganyo ti Tin-edyeryo a Rumang-ay,” “Salaknibanyo ti Pamiliayo Kadagiti Makadadael nga Impluensia,” ken “Mapagballigianyo Dagiti Parikut a Mangdadael iti Pamilia.”
Tapno maaddaanka iti kasta a libro, pangngaasim ta suratam ken ibusonmo ti naipakuyog a kupon ken usarem ti direksion a naipaay wenno ti maitutop a direksion iti panid 5 daytoy a magasin. Maammuamto dagiti espesipiko a singasing a makatulong kenka a mangrisut kadagiti parikut ken mangparagsak iti pamiliam a maitunos iti pagayatan ti Namarsua.
□ Pangngaasiyo ta patulodandak iti libro a Ti Sekreto ti Kinaragsak iti Pamilia.
□ Interesadoak iti libre a panagadal iti Biblia iti pagtaengan.
[Ladawan iti panid 32]
Ni Graciela ken ti pamiliana