Panangpadakkel iti Annak a Nalaing a Makibagay—Kasano?
“Masursuro ti annak ti panagraem iti bagi ken panagteppel no ayaten ken disiplinaen ida dagiti nagannak,” kuna ti maysa a report iti The Gazette, maysa a periodiko idiay Montreal, Canada. Ania ti ramanen daytoy? Sigun iti clinical psychologist idiay Montreal a ni Constance Lalinec, napateg ti panangaramid kadagiti nalawag a limitasion iti kababalin ti anak.
Imbaga pay ni Lalinec, a mangtamtaming kadagiti banag a mainaig kadagiti annak ken pamilia, a “no lapdantayo dagiti gundaway a mapasaran ti annak dagiti pagbanagan ti tigtignayda, malapdantayto met ti kaaduan a masursuroda.” Dakes ti epekto ti kinamanagpanuynoy iti itatanor ti maysa nga anak.
Maitutop unay ti nabayagen a napaneknekan a nainsiriban a pammagbaga ti Biblia maipapan iti panangpadakkel iti annak. Kunana: ‘Ti koma latta saom a Wen kaipapananna ti Wen, ti saom a Saan, Saan.’ (Mateo 5:37) Apaman a naaramiden dagiti nainkalintegan a pagannurotan ket maawatan ida dagiti annakmo, ipaalagadmo ida a dagus ken kanayon. Paypaysuem ti ibagbagam. Daytoy ti silalawag a mangipaawat iti annak kadagiti pagannurotan ken namnamaen ti nagannak—a dagiti tattao ‘apitendanto ti immulada.’ (Galacia 6:7; Roma 2:6) Ti matarigagayan a kalat ti naayat ken epektibo a disiplina ket tapno masursuro ti annak ti agtulnog kadagiti pagannurotan ken ibturanda ti pannakapaay ken naitantan a pannakapnek, iti kasta, mapatanorda dagiti kalidad a kasapulanda tapno dumakkelda a nalaing a makibagay ken responsable nga adulto.
Ti libro a Ti Sekreto ti Kinaragsak iti Pamilia ket addaan iti ad-adu pay a pammagbaga maipapan iti isursuro ti Dios kadagiti nagannak a panangdisiplina iti annakda. Mabalinmo ti maaddaan iti daytoy a 192-panidna a libro no suratam ken ibusonmo ti naipakuyog a kupon iti naipaay nga address wenno iti maitutop nga address a nailista iti panid 5 daytoy a magasin.
◻ Kayatko ti maaddaan iti libro a Ti Sekreto ti Kinaragsak iti Pamilia. Isuratmo no ania a lenguahe
◻ Interesadoak iti libre a panagadal iti Biblia iti pagtaengan.