Panagbirok ti Maysa nga Agtutubo iti Pannakaammo

Ti sumaganad a surat ti panangapresiar ket insurat ti maysa a 16 ti tawenna nga estudiante iti haiskul idiay Czech Republic iti sanga nga opisina dagiti Saksi ni Jehova idiay Prague.

“Naiparna a nabasak ti magasinyo nga Agriingkayo! Diak ammo no kasano kabayagen nga im-impluensiaanna daytoy nagdakkel a lubong, ngem patiek a magustuan dayta ti nagadu a tattao. Iti damo a panangkitak, nasdaawakon no kasano kaadu nga impormasion ken kinapudno ti nairaman kadagiti artikulo. Dagiti agpayso a pakasaritaan ken pammagbaga a linaon ti Agriingkayo! ti manglukat iti pannakaawat daydiay saan a makaammo kadagiti parikut ken risgo a mapaspasamak iti kada aldaw.

“Magustuak ti magasin saan laeng a gapu ta makaisuro unay no di ket gapu ta nalawa ti pannakaawatna maipapan kadagiti tattao ken puli. . . . Babaen daytoy a surat, kayatko nga ipakaammo a talaga a makagunggona ti panangikagumaanyo a mangisurat kadagitoy nga artikulo. Agyamanak iti biang dagiti agbasbasa, a kas kaniak, a mangdayaw iti trabahoyo. Pangngaasiyo ta patulodandak kadagiti sumaganad a ruar ti magasinyo nga Agriingkayo! . . . Pangngaasiyo met ta patulodandak iti broshur nga Ania ti Panggep ti Biag? Kasanoyo a Masarakan Dayta?”

Masiguradomi a magunggonaankanto met no basaem ti nagsayaat a 32-panid a broshur nga Ania ti Panggep ti Biag? Kasanoyo a Masarakan Dayta? Ipakita daytoy a publikasion nga adda nadayag a panggep ti Namarsua kadatayo nga asidegen a mapasamak. Mabalinmo ti agkiddaw iti maysa a kopia no suratam ken ibusonmo ti naipakuyog a kupon iti address a makita iti kupon wenno iti maitutop nga address a nailista iti panid 5 daytoy a magasin.

□ Kayatko ti maaddaan iti broshur nga Ania ti Panggep ti Biag? Kasanoyo a Masarakan Dayta?

□ Interesadoak iti libre a panagadal iti Biblia iti pagtaengan.