‘Ti Kasayaatan Maipapan iti Tema’

DAYTA ti imbaga ti Luterano a maestro a taga San Diego, California, E.U.A., kalpasan a naikkan iti libro a Panangbiruk ti Sangatauan iti Dios. Insurat ti maestro ti sumaganad nga ebkas ti panagyaman.

“Apresiarek ti panawen ken panagreggetmo a mangipakaammo kaniak iti pannakaawat dagiti Saksi maipapan iti daytoy nariribuk a lubong a pagbibiagantayo. Namin-adun a binasak ti salaysay maipapan iti panangbiruk ti sangatauan iti Dios. Dayta ti kasayaatan a nabasak maipapan iti tema. Nalabit diak pay binasa ti literaturami a Luterano a kas iti panangbasak iti dayta, ngem agparang a ti literatura dagiti Saksi a sipaparabur nga intedmo kaniak ket nasaysayaat nga amang ngem iti nakitakon a literaturami. Agyamanak iti agtultuloy nga interesmo iti naespirituan a pagimbagak.”

Addada kapitulo iti Panangbiruk ti Sangatauan iti Dios a maipapan iti mitolohia, mahika ken espiritismo, Hinduismo, Budismo, Taoismo ken Confucianismo, Shinto, Judaismo, Kristianidad, ken Islam. Isurona pay no kasano a dayawen ti Dios iti wagas nga anamonganna. Mabalinmo ti agkiddaw iti kopia daytoy 384-panid a libro babaen ti panangsuratmo iti naipakuyog a kupon ken panangibusonmo iti dayta iti address a makita iti kupon wenno iti maitutop nga address a nailista iti panid 5 daytoy a magasin.

□ Patulodandak iti libro a Panangbiruk ti Sangatauan iti Dios.

□ Interesadoak iti libre a panagadal iti Biblia iti pagtaengan.