‘Ipakpakitayo ti Ayat iti Amin’

DAGITOY nga ebkas ti komendasion ti naisurat iti sanga nga opisina dagiti Saksi ni Jehova idiay Yugoslavia, maysa a pagilian nga adun a siglo a paggugubatan dagiti tattao a nadumaduma ti etniko a nagtaudanda. Kastoy ti nailanad iti surat:

“Patgek nga Apo,

Adun ti nadamagko maipapan kadakayo a Saksi ni Jehova iti nakayanakak nga ili ti Sarajevo, ngem saanak a pulos nga interesado iti patpatienyo agingga itay napalabas a kalgaw idi nagundawayak ti timmabuno iti kombensionyo idiay Alemania. Nasdaawak unay a nakakita kadagiti tattao a naggapu sadi Croatia, Yugoslavia, ken Bosnia a sitatalna nga agkakatugaw ken agiinnawag pay iti kabsat. Idi pay laeng a nakakitaak iti kasta! Ti panagiinnayatyo pabilgenna ti ebidensia a dinakayo mapagsisina ti politika. Sapay koma ta bendisionannakayo ti Dios iti ayat nga ipakpakitayo iti amin!”

Dagiti damag a kas iti daytoy a naggapu kadagiti lugar a nabayagen nga aggiginnura dagiti tattao ti mangpataud iti saludsod nga, Addanto pay ngata lubong nga awanan gubat? Daytoy ti paulo ti 32 ti panidna a broshur a mangipaay iti nabileg nga ebidensia nga addanto ti kasta a lubong. Ngem kasano? Ken kaano?

Mabalinmo ti agkiddaw iti daytoy a broshur babaen ti panangsuratmo iti naipakuyog a kupon ken panangibuson iti address a makita iti kupon wenno iti maitutop nga address iti panid 5 daytoy a magasin.

□ Kayatko ti maaddaan iti broshur a Will There Ever Be a World Without War?

□ Interesadoak iti libre a panagadal iti Biblia iti pagtaengan.