“Naintiempuan a Pammagbaga” Agpaay iti Amin
KASTOY ti insurat ti maysa nga agbasbasa Ti Sekreto ti Kinaragsak iti Pamilia: “Nakasangitak gapu iti ‘nagsayaat’ ken naintiempuan a pammagbaga. Talaga a natukay ken nasdaawak unay iti detalye ken pannakaawatna iti kasapulan ken rikrikna ti dadduma babaen ti panangusigna (buyogen iti prinsipio) iti tunggal narigat a kasasaad a mabalin a rumsua iti pamilia. . . . Nagsardengak iti tengnga a mismo ti kapitulo 8 tapno agsuratak kadakayo. Diak ngamin makaurayen.”
Kastoy pay ti kinuna daytoy a manangapresiar nga agbasbasa a taga North Carolina, E.U.A.: “Ikarkararagko a sapay koma ta imutektekan a naimbag ti pamiliak, agraman ti adu pay a tattao iti intero a lubong, dagiti linaon daytoy a libro.”
Minilion iti intero a lubong ti natulonganen daytoy 192-panidna a publikasion. Adda paset ti libro nga agpaay iti tunggal miembro ti pamilia—ti asawa a lalaki, ti asawa a babai, nagannak, annak, ken dagiti apong. Ti sumagmamano kadagiti makaisuro a kapitulona ket “Sanayenyo ti Anakyo Manipud Kinamaladaga,” “Tulonganyo ti Tin-edyeryo a Rumang-ay,” “Salaknibanyo ti Pamiliayo Kadagiti Makadadael nga Impluensia,” ken “Taginayonenyo ti Talna iti Sangakabbalayanyo.”
Tapno maaddaanka iti kopia, pangngaasim ta suratam ti naipakuyog a kahon ket ibusonmo dayta iti address a makita iti kupon wenno iti maitutop nga address a nailista iti panid 5 daytoy a magasin. Maammuamto dagiti espesipiko a singasing a makatulong kenka a mangrisut kadagiti problema ken mapagbalinmo a naragsak ti pamiliam a kas iti panggep ti Namarsua.
□ Patulodandak iti kopia ti libro a Ti Sekreto ti Kinaragsak iti Pamilia.
□ Interesadoak iti libre a panagadal iti Biblia iti pagtaengan.