Sangalubongan a Panagkaykaysa—Saan nga Arapaap Laeng
Nagsurat ti maysa a lalaki a taga Kerala nga estado ti India iti agipabpablaak iti daytoy a magasin: “Talaga a nagpaiduma ti magasinyo nga Agriingkayo! no idilig iti amin a dadduma pay a magasin. Panagkunak, dandani amin a tema ket salaysayenna. Dagiti artikulo maipapan iti nakaparsuaan ti kaay-ayok a basaen.”
Inlawlawag ti lalaki ti naduktalanna a partikular a makagapu a makaallukoy ti Agriingkayo!: “Para kaniak, awanen ti sabali pay a magasin a kaasping ti Agriingkayo! iti panangtulongna kadagiti tattao iti nadumaduma a puli tapno matmatanda ti bagida kas agkakabsat. Awanen ti sabali pay a magasin a mangitandudo iti sangalubongan a panagkaykaysa a kas iti ar-aramiden ti Agriingkayo! No idiligko iti adu a magasin a basbasaek, talaga a makunak a nagpateg a magasin ti Agriingkayo!”
Dagiti kapaliiwan ti agbasbasa maipapan iti Agriingkayo! ket mayataday iti naipablaak a panggepna a mabasa iti panid 4 iti tunggal ruar: “Kanayon a neutral iti politika ken saan a mangidumduma iti puli.” Kangrunaanna, isuro ti Agriingkayo! kadagiti agbasbasa nga agpannurayda iti Namarsua kadatayo maipaay kadagiti napateg a saludsod maipapan iti biag.
Ti 32-panidna a broshur nga Ania ti Kalikaguman ti Dios Kadatayo? kasta met laeng ti aramidenna. Karaman iti 16 a leksion dagiti napauluan “Siasino ti Dios?,” “Ania ti Panggep ti Dios iti Daga?,” ken “Ania ti Pagarian ti Dios?” Mabalinmo ti agkiddaw iti maysa a kopia daytoy a broshur babaen ti panangsuratmo iti naipakuyog a kupon ken panangibusonmo iti dayta iti nadakamat nga address wenno iti maitutop nga address a nailista iti panid 5 daytoy a magasin.
□ Patulodandak iti broshur nga Ania ti Kalikaguman ti Dios Kadatayo?
□ Interesadoak iti libre a panagadal iti Biblia iti pagtaengan.