“Masansan a Pagkonsultaran Dagiti Estudiante”
MAYSA a para aywan iti libraria a taga Divinópolis, iti estado ti Brazil a Minas Gerais, ti nagsurat iti opisina dagiti Saksi ni Jehova idiay Brazil maipapan iti panaginteres unay dagiti estudiante iti magasin nga Agriingkayo! Inlawlawagna:
“Iti libraria ti munisipio a pagtartrabahuak, pasaray umawatkami kadagiti maidonar a libro ken magasin nga impablaak [dagiti Saksi ni Jehova]. Nupay awan a pulos ti Saksi ni Jehova kadagiti estudiante ditoy, masansan a pagkonsultaran dagiti estudiante ti Agriingkayo! no agsirarakda iti nadumaduma a suheto. Kas pagarigan, talaga a nakatulong unay ti ruar ti Setiembre 8, 2000 gapu kadagiti makaisuro nga artikulona maipapan iti Olympic Games. Gapu itoy, kiddawek nga ipaayandakami iti adu ken nadumaduma a ruar ti Agriingkayo! Ammok nga interesadokayo met a kas kaniak a mangipaay kadagiti makapabileg a babasaen kadagiti agtutubotayo.”
Iti panid 4 ti tunggal ruar ti Agriingkayo!, deskribirenna no apay a maipablaak ti magasin. “Kangrunaanna,” ilawlawagna, “pabilgen daytoy a magasin ti panagtalek iti kari ti Namarsua a natalna ken natalged a baro a lubong a dandanin mangsukat iti agdama a dakes, nakillo a sistema ti bambanag.”
Mangipapaay met dagiti Saksi ni Jehova kadagiti broshur nga espesipiko a nadisenio a mangibanag iti dayta a panggep ket napauluan ti maysa iti Ania ti Panggep ti Biag? Kasanoyo a Masarakan Dayta? Mabalinmo ti agkiddaw iti kopia babaen ti panangsurat iti naipakuyog a kupon ken ibusonmo dayta iti address a makita iti kupon wenno iti maitutop nga address a nailista iti panid 5 daytoy a magasin.
□ Patulodandak iti broshur nga Ania ti Panggep ti Biag? Kasanoyo a Masarakan Dayta?
□ Interesadoak iti libre a panagadal iti Biblia iti pagtaengan.