No Kasano a Nangabak iti Umuna a Premio
Nagsurat ti maysa a barito iti sanga nga opisina dagiti Saksi ni Jehova idiay Lusaka, Zambia, tapno agyaman gapu iti Agriingkayo! Gapu iti daytoy a magasin, inlawlawagna a nagun-odanna ti umuna a premio iti salip iti panagsurat para kadagiti estudiante iti haiskul. Ti paulo a “Ti Panagsasalisal iti Law-ang—Ti Kadakkelan iti Lubong a Pagsayangan iti Kuarta” ti naited kadagiti estudiante ket naibaga kadakuada nga agsirarakda maipapan iti dayta a suheto. Inlawlawag ti barito:
“Di nagbayag, nasarakak ti Setiembre 8, 1992, a ruar ti Agriingkayo! Naglaon ti magasin iti birbirokek. Nagusarak met iti kanayonan nga impormasion manipud iti dadduma pay a ruar ti Agriingkayo!” Ti umuna a premio a naawat ti barito ket pakairaman ti tseke nga aggatad iti $75. Buyogen panagyaman a kinunana: “Para iti adu a tattao, pinaneknekan a mismo ti Agriingkayo! a daytat’ premiado a pagiwarnak.”
No utoben ti tattao iti intero a lubong ti programa iti law-ang—agraman dagiti plano ti adu a gobierno a mangikanawa kadagiti teritoriada maibusor iti iraraut—adu ti mangpampanunot no addanto pay aya lubong nga awanan iti gubat. Daytoy a mismo a saludsod ti paulo ti 32 ti panidna a broshur a mangpatalged iti ebidensia nga addanto kasta a lubong. Ngem kasano? ken kaano?
Awisendaka a mangbasa iti Will There Ever Be a World Without War? Mabalinmo ti agkiddaw iti daytoy a broshur babaen ti panangsuratmo iti naipakuyog a kupon ken panangibusonmo iti dayta iti address a makita iti kupon wenno iti maitutop nga address a nailista iti panid 5 daytoy a magasin.
□ Patulodandak iti broshur a Will There Ever Be a World Without War?
□ Interesadoak iti libre a panagadal iti Biblia iti pagtaengan.