Ti Biblia​—Saot’ Dios Wenno iti Tao?

TI MODERNO A LUBONG adu unay ti parikutna. Masinasina dagiti pamilia. Agraraira ti kinaranggas iti pamilia. Ginasut a milion ti mabisbisin. Nakaam-amak ti iyaadu ti krimen. Narigat a masagrap ti talna ken kinatalged. Apay a kastoy ti kasasaad? Addada aya aniaman a solusion?

Saan laeng a sungbatan ti Biblia dagitoy a saludsod no di ket iwanwannatayo pay ti inaldaw a panagbiagtayo. Saan kadi a rumbeng koma ngarud nga aginterestayo iti ibagbaga ti Biblia?

Kuna ti dadduma a tattao a ti Biblia ket maysa laeng a koleksion dagiti sarsarita, leyenda, ken kinasirib dagiti kadawyan a tattao. Ngem patien ti dadduma a ti Biblia ket Sao ti Dios. Ania ti husto a panangmatmat? Ti libro a Ti Biblia​—Saot’ Dios wenno iti Tao? ket makatulong kenka a mangsungbat iti dayta a saludsod. Awisendaka a mangamiris a mismo kadagiti kinapudno. No aramidem ti kasta, mabalin a balbaliwanna ti panagbiagmo iti agnanayon.

□ Patulodandak iti maysa a kopia ti libro a Ti Biblia​—Saot’ Dios wenno iti Tao?

□ Interesadoak iti libre a panagadal iti Biblia.

[Picture Credit Line iti panid 32]

Alejandro a Dakkel: Roma, Musei Capitolini